في السلك | دورينا شغال قرف

بسم الله الرحمن الرحيم
*طبعا كاس العالم شغال
*ودورينا شغال(قرف)
*قال ليك ممكن احتياطي الفريق مايجي الكورة
*بكونوا متابعين كاس العالم
*وأظن عشان كدة الهلالاب طالبوا بدكة البدلاء حقتهم الفي ملعب كوبر
*عارفين مافي زول بقعد فيها
*الاحتياطي والجهاز الفني بكونوا متابعين كاس العالم
*وماتستغرب اخي المواطن
*لو مشيت كورة في ممتازنا
*ولقيت اتنين من الحكام ماجو
*عادي
*كاس العالم شغال ودورينا شغال قرف
*وهاهي السعودية تلقن الارجنتين درسا لن تنساه
*ميسي طارت ليهو
*ربنا نصر عيال العرب
*والغريبة العثيين زعلانين
*المهم
*بشة قال ٢٠٢٢ السودان حايكون في قطر
*وجات ٢٠٢٢ وبشة في خطر
*والسودان لاسودانير لاخطوط بحرية لامشروع جزيرة لاشركة صمغ عربي لاقطر
*المهم
*فيكم زول اطمأن علي لاعب السنغال الذي اصيب قريب خواتيم الكورة ضد هولندا؟؟؟
*الزول الاطول من النقالة داك
*هو الهولندي ضربو وين اصلو؟؟؟؟
*طمنونا علي الزول ده
*باقي شالوهو متضايق شديد