••• عثمان حسين: القبلة السكرى .. محمد وردي: المستحيل .. عبد العزيز المبارك: تحرمني .. فاطمة الحاج: لاقيتو باسم .. محمد ميرغني: ما قلنا ليك .. زيدان إبراهيم: ليه كل العذاب .. مجذوب اونسه: ده ما كلامك .. النعام آدم: الزول الوسيم .. عبد الدافع عثمان: مرت الأيام .. العطبراوي: ما إعتيادي .. كابلي: لو تصدق .. احمد المصطفى: رحماك يا ملاك .. الكاشف: يوم الزيارة .. عقد الجلاد: حاجة آمنة .. إبراهيم عوض: حبيبي جنني .. محمد ميرغني: حلو العيون .. حمد الريح: ما شقيتك .. العميري: العيون .. عركي: بخاف .. فرفور: يا نسيم أرجوك .. ابن البادية: فات الأوان .. عبد القادر سالم: حليوة يا بسامة .. بادي: صدر المحافل .. سيد خليفة: حلم الصبى .. حسين شندي: قطار الشوق .. مصطفى سيد أحمد: الحزن النبيل .. خوجلي عثمان: ما بنختلف .. الطيب عبدالله: ليل الفرح .. صلاح محمد عيسى: العيون السوده .. عاصم البنا: انت السمح .. نور الجيلاني: الذكرى المنسية .. عبد الرحمن عبدالله: ضابط السجن .. خلف الله حمد: الكنداكة .. الشفيع: لحن الحياة .. علي إبراهيم: ما دام نسى العشرة .. يوسف الموصلي: قدر الشوق .. عبدالحميد يوسف: غضبك جميل .. ثنائي العاصمة: ناس ناسيانا .. التاج مصطفى: يا روحي انصفني .. ترباس :يا ريت .. محمود عبدالعزيز: لهيب الشوق .. عثمان مصطفى: مشتاقين .. شرحبيل: لو تعرف الشوق .. محمد الأمين: تتعلم من الأيام .. أبو داؤود: كفاية كفاية
••• أي واحدة من هذه الأغنيات يمكن مع ( التركيب ) تصبح ( قصة هدف ) ومن أهداف كرة القدم والأهداف في الكرة مثل الأغنيات فيها الملامة .. القسوة .. التسامح .. الغفران .. الطرب .. الرقص .. الترقيص .. الاحساس .. الجمال .. المشاعر .. فيها التماذج وعصير ( الكفر والوتر ) وكما أن هناك أغنيات خالدة يشدوا بها المقلدون ففي الكرة أهداف خالدة لا تمنع المقلدين فيها ( الشبال ) .. ( التكلة ) والتبطين
••• عن هدف جانك لود في مرمى المولودية أكتب وإضافة لما فيه وبما فيه أقول أحسبه يوماً دراسي بدأ بحصة الرياضيات استعمل فيها المسطرة والمنقلة والمثلث وحُسبت فيها الأبعاد والزوايا والمسافة والمساحة
كان الهدف حصة تاريخ أعادت للناس هدف صبحي وكيف كان فيه جمال الجمهور وحلاوة المنافسة ..
وحصة جغرافيا في التعامل مع تضاريس المنطقة والمناخ َوالطلوع والنزول ..
وحصة انجليزي والهدف عالمي احتاج للترجمة من الانجليزي لكل اللغات وحصة عربي والاستيديو حدث الاعراب عن روعة المشهد .. وحصة دين والأصوات تعلو بالتسبيح والتهليل والتكبير والحمد لله رب العالمين
••• الهدف ( إنما إيه ) إنما هدف وبما أنني بدأت بالأغنيات فدعوني أقول الهدف يفترض ( تعبئته ) وعليه دباجة مكتوب عليها أغنيه الفنان وردي ( عذبني وتفنن )
عبدالمنعم شجرابي ..
