كابتن نادي الهلال في صفوف المقاتلين

متابعات- صوت السودان

أظهرت صورة تم تداولها، وجود كابتن نادي الهلال السوداني، سيف مساوي، وسط صفوف المستنفرين مع الجيش السوداني، في المعارك الدائرة مع الدعم السريع في امدرمان، ومناطق أخرى في العاصمة الخرطوم.

وكان سيف مساوي قد تعرض في بداية المعارك بامدرمان إلى اعتداء وهجوم في منزله من قبل قوات الدعم السريع، وكتب حينها قائلا: أمس جوني في البيت قاعدين يكسروا في الباب قلت ليهم دقائق بفتح ليكم دخلوا فتشوا البيت “حتا حتا” قلبوا البيت ما خلوا شيء شالوا تلفون أبوي وأمي وانا بس سمعت كسير الباب دسيت تلفوني.
وأضاف “واحد قال لي عشان أخارجك من الناس ديل وريني محل الدهب والقروش قلت له أنا عاطل لي 5 شهور، ما عندي قروش ولا قرش والله ضربوني ضرب بي حقد قال لي مفتاح العربية وين.. أديتو المفتاح قلت ليهو العربية عاملة حادث ليها فترة مغبرة واقفة ما تتحرك وكدا، قال لي دي ما بتنفع معاي”

وتابع “بقوا يفتشوا في الصالون عندي بترينا كبيرة فيها شهادات وهدايا وميداليات في واحد من أولاد الخرطوم، قال ليهم تعالوا نمشي الزول دا ما عنده حاجة بالحكومة ولا سياسة دا زول كورة ساكت طلعوا خلوني واقع وإمي وأبوي نفسيتهم انكسرت لما شافوني بالمنظر”.