البرهان: الارجوز حميدتي مختفي 8 شهور والآن طلع عامل فيها بطل

رصد- صوت السودان
قال رئيس مجلس السيادة القائد العام للجيش السوداني الفريق أول ركن عبدالفتاح البرهان، إن قوات التمرد ارتكبت جرائم في دارفور ودفنت الناس احياء وفي كل السودان.

وأضاف “ما عندنا صلح معاهم ولا اتفاق، ولازم ناخذ حقنا منهم، ودي رسالة للارجوز الخائن الهارب حميدتي”.

وتساءل البرهان خلال مخاطبته لقاء مع الضباط في جبيت “كان مختفي وين طيلة الفترة الماضية؛ وهذا يؤكد انه زول جبان وما قادر يواجه، وغاشي الناس البسطاء وأهله بان رجل متدين وهو ما عنده دين” وتابع “زول عنده دين يقتل في الناس ويسرق وينهب حقهم”
وواصل البرهان مخاطبا حميدتي: انا موجود 8 شهور بين الضباط والجنود ومعروف مكاني وين لكن انت مختفي 8 اشهر ما خليت مزرعة ولا بيت ما تخفيت فيه والآن طلعت عامل فيها بطل”.