ابراهيم الكضاب بقلم/صبري محمد علي (العيكورة)

😂😂

ابراهيم الكضاب

بقلم/صبري محمد علي (العيكورة)

خاص ب [صوت السودان] عزيزي القارئ اينما كنت وعلي اي حال وصلك مقالي هذا
ادعوك للاستمتاع بهذه (الكضبة)

و انصحك إن كنت تحمل كوبا من الماء او (الشاهي) ان تبعده قليلا تفاديا (للشرقة)

اما ان كنت تتناول وجبة ما فانصحك بإيقاف البلع فورا خشية عليكم من (الخنقة)
اقصد عشان ما تخنق بالاكل
حتى لا ….
يدخل القصبة الهوائية و يسبب لكم مشاكل تانية .

اما كنت بعيد عن كل هذه المحاذير وكنت تجلس وحيدا فاغلق نوافذ وابواب الغرفة حتى لا يقال عنك مجنوناً واضحك اضحك كما تشاء .

و(الكضبة) يا صاحبي هي ….
جاتني عبر مقطع (فيديو) للمدعو الدكتور إبراهيم مخيٌر الموصوف ب …
عضو المكتب الاستشاري (للمرحوم)
والمكان هو منصة البرلمان الاوروبي كما يقول الشرح
واللغة هي لغة انجليزية (فطييييرة) تتبعها ترجمة بالعربية كتابة .
والكضاب يقول …..
إن قواتنا (الدعم السريع) والصليب الاحمر

اهااا ملوم يا ابراهيم ؟
قول قول قطعت قلبي ياخ

قال ليك ….

يقومون بدعم الناس في المناطق التي يمكنهم الوصول اليها !

ابراهيم إنتا جادي ؟
النهب والاغتصاب والقتل والدمار التي يمارسها رباطتكم هذه هي خدماتكم؟

ابراهيم …
من الاخير كده قول ليٌ
انتا (قابض كم)؟

ثم مضي الدكتور الكضاب قائلا
وحتي مستشفياتنا التي كانت تقدم خدماتها قد اصبحت محتلة بالارهابيين الاسلاميين !

لا مش كده وبس
قال …
ورافعين عليها علم (داعش) !
ابراهيم …!
يا دكتور …!
ياخ اوزنها شوية قول اصابها الدمار مثلا

الاطباء ما قادرين يصلوها لتقديم الخدمات

قول المولدات متوقفة بسبب انعدام الديزل مثلا

قول اي حاجة ياخ
لكن حكاية (داعش دي)

ماااا جبتها (وارمه) يادكتور ؟
يعني بلغة اولادنا الايامات دي
(كضبة من أمها)

لا وكمان إبراهيم ….
دعا الخواجات ان يقفوا معهم كدعامة وكأطباءوكبني آدميين ساكت كده لدعم السلام في السودان .

شهادة لله ….
اعترف بان المدعو د.ابراهيم مخير رجل بارع ومغفل في نفس الوقت في النجر و (الكضبة)

يا إبراهيم ياخ ….

يا كضبوا زي الناس يا كمان ما تضايقوا الناس في اكل عيشها .
الحكاية دي ما فوضى ساكت ليها نقابة ولوائح منظمة

قال (رافعين علم داعش) قال

غباء حتى في الخيانة ..!
بالله ده بقى طبيب كيف؟