اضرب واهرب .. شجرابي: نور دائم

.. اضرب واهرب ..
نور دائم
*** الكيزان يروون موقفهم ( صاح )
القحاتة يروون موقفهم ( صاح ) وعليكم ألا تسألوا عن من هو ( الغلطان ) حتى لا تكون الإجابة ( غلطان المرحوم ) غلطان السودان
*** ليست العشوائية وحدها هي المشكلة التي يدير بها الاتحاد العام الكرة .. المشكلة الكبرى في وجود ( حرامية ) يأكلون المال الحرام
*** على طريقة صاحب المطعم الذي كتب على باب مطعمه
( الغداء بكرة مجاناً )
سمعنا ونسمع ( إعلان الحكومة الجديدة ) الأسبوع القادم
( ولسه بنسمع )
*** كثير من الأفلام تحذر ( أصحاب القلوب الرحيمة ) من المشاهدة وهذا ليس الموضوع الموضوع أن ( اصحاب القلوب الميتة ) من القيادات العربية هم من يشاهدون ( أفلام الرعب الإسرائيلية ) بغزة ( ويطنشون )
ويا هؤلاء ( ليكم يوم )
*** لعب بأثيوبيا ومنها طار إلى عاصمته الثانية ( دار السلام ) الخلاصة أدى الهلال عدد من ( البروفات ) وهبط الآن أنجولا لأداء مباراة الذهاب وستكون نتيجة الهلال ( إيجابية )
وقولوا آمين
*** الزول ده قاعد يسوي في شنو ( قولوا لينا )
الزول ده رايو شنو ( نحن ما عارفين ) الزول ده مشى ( وخلانا نتلفت ) الزول ده أمرو ( عجيب وغريب )
*** طالب محمد عبدالرحمن الهلال ومن حقه أن يطالب ب300 ألف دولار للعام الواحد لكن يا غربال شايفك شوية ( كترت المحلبية )
*** الحرب ( ظالمة .. ظالمة ) وبربكم لا تحولوها إلى ( مظلومة ) وانتم ترمون عليها كل ( فشلكم وخيبتكم )
وإياكم أعني قادة الأحزاب السياسية ( الصادق ) منكم ( والكضاب )
*** سبعة أشهر والجيش يقاتل بلا ( توجيه معنوي ) يقاتل بلا ( إعلام حربي ) والتلفزيون ( أخير قلو )
برافو صحيفة القوات المسلحة ( تعظيم سلام )
*** أنجب وربى .. تعلم وعلم .. حاضر ودرس .. تشهد وصلى .. حج وصام .. تزكى وتصدق .. سجد وركع .. صديق للمصحف .. معمر للمسجد .. رفيق للموعظة .. حبيب للارشاد .. ابن للغة .. وأخ للتلاوة والذكر .. آلف ولم يخالف ورجع إلى ربه راضياً مرضياً إنه عبدالله العالم الورع بروفسير الحبر نورالدائم الذي خلف ( نور دائم ) من العلم والتفسير
اللهم ارحم عبدك الحبر بعدد كل حرف تعلم به وعلمه وبعدد كل خطوة خطاها
إنا لله وإنا إليه راجعون
عبدالمنعم شجرابي ..