اضرب واهرب.. عبدالمنعم شجرابي | طشاش طشاش

* تقلب بين معسكر وآخر .. واستبدل الرأي بالرأي .. والموقف بالموقف .. مرة هناك ومرة هنا .. والأمر الوحيد الذي لن يتغير فيه ولن يتبدل هو التطبيع مع إسرائيل ( والعاجبو والما عاجبو ) كلهم عنده سيان
* لا شفت ولا سمعت ( ولا في زول جابو لي ) لكن ( طشاش طشاش ) عرفت سرامييك المصري ( غلب ) المريخ المغلوب على أمره ( عشرة بس )
* تعاقد مجلس الهلال مع شركة ( أوت أوف بوكس ) لتسويق منتجاته ( فيهو إن ) وللتذكير فقط فالشعار شعار الهلال والجمهور حق الهلال والشركة ( جاية بيد فاضية ) طمعاً في الكنز الثمين ( وحولينا وما علينا )
* كيف لا أعشق جمالك هذه الأغنية الخالدة أجزم أن ( سيدا ) الراحل المقيم الفنان عثمان حسين كان لا يغنيها إلا وهو في قمة مزاجه وأجد لنفسي العذر إذا ما اعتديت بالضرب على ذلك الفنان ( التعيس ) وهو يغنيها
* للمرة الثانية والثالثة والعاشرة والمئة والألف أطالب مجلس الهلال تعليم محترفيه الأجانب اللغة العربية ومن عرفها ( ارتاح وأراحنا )
* لا عندي ( تلج ) ولا عندي ( شاكوش أكسر بيهو ) واعزروني إن أطلقت على محمد إبراهيم العليقي ( سيد شباب الهلال )
* اقترب من تونس وفي تونس الترجي والترجي ياهو الترجي ( وبالعديل كده ) أنا قاصدك يا المريخ والله يعينك
* مرة ( كوز ) مرة ( قحاتي ) مرة ( حركات مسلحة ) مرات ( يؤكد ) مرات ( ينفي ) تارة ( رئيس ) وتارة ( مرؤوس ) ونفسي أعرف نبيل أديب ( شايت وين )
* الشعب السوداني ( مهدد بالانقراض ) والمطلوب تعدد الزوجات ) والحديث هذا لهئية علماء السودان
( وأنا برا )
* فكنا .. شتت .. اتفكفك .. باي باي .. اتلما .. اقطع وشك .. هل فيكم من يخاطب ( الزول ده ) بأي كلمة من هذه الكلمات نيابة عني أو عنكم بعد ( إبراز شهادة الموافقة )
عبدالمنعم شجرابي ..