شمارات.. سلك | مافيا السجائر

*البلد دي تقول إيطاليا
*أي شي عندو مافيا
*مافيا المخدرات
*مافيا الغاز
*مافيا المحروقات
*مافيا التصديقات
*لكن أخطر تلك المافيات وأكترها انتظاماً وتنظيماً هي مافيا السجائر
*لا للمخدرات
*لا للسجائر
*ولكن نتناول الموضوع من زاوية انو مافيا
*وشغل مافيا معناهو فساد
*وفساد كبير
*واحتكار
*وزول يدخل في اليوم خمسين مليار
*وزول كان فطر الغدا في خطر
*الزول البدخل الخمسين مليار
*هو من يحدد الأسعار
*ويتحكم في السوق
*بستفيد أكتر من المنتج نفسو
*وأكتر من الدولة البتقبض حقها ضرائب مليارية يومية ورسوم إنتاج
*عشان كده الدولة تاكل وتقش خشمها
*والمواطن يفتش لنفس الحياة قبل نفس البرنجي
*لايحتكر إنسان سلعة
*إلا إذا استعان بفساد على كل المستويات وبكل المواقع
*جمعت معلومات دقيقة عن التوزيع (الوقف)
*وعرفت منو البحتكر ومنو البساعد المحتكر ليحتكر وبستفيد شنو
*صلعتي شيبت
*شيب شيب شيب
*لما بقيت زي الطالع من طاحونة
*شلت معلوماتي ومشيت لصديق كان مفتش كبير في حجار
*أخبرته فضحك
*قال أقعد النوريك
*عشان بعرف كل الجحار
*اندهشت لما سمعت
*البلد دي خطيرة
*خطيرة جداً
*خطيرة لدرجة كبيرة
*فقررت أن أحدثكم عن أخطر مافيا في التاريخ العالمي
*مافيا السجار في السودان
*كلام خطير خطير
*وقد يستغرق شهراً كاملاً أو شهور
*معقولة بس!
*للدرجة دي؟؟؟
*لا
*ومنو البساعد على الاحتكار من أصحاب القرار؟
*وماهي حقيقة الرخص التي تخصص لها كوتات يومية؟
*وهل هي أسماء في حياتنا حقيقية؟؟؟؟
*وليه تاجر يدوهو جبل كراتين يومي
*وتاجر كرتونتين في الشهر؟؟؟
*وليه توقفت عربات التوزيع عن التوزيع والحوامة على الكناتين والبقالات المنتشرة بالأحياء؟؟؟
*وماهو موقف الحكومة؟؟؟؟؟؟
*وهل فعلاً موقف الحكومة يشبه موقف الزول المشى للمحامي قال ليهو أنا داير من فلان مية مليون أرفع لي قضيه فيهو
*المحامي قال ليهو أنا بشيل عشرة
*الزول قال موافق
*المحامي رفع القضية
*واتفق مع المدعي عليه وشال عشرة ملايين
*صاحب المال بعد فترة سأل المحامي عملت شنو؟
*المحامي قال ليهو أنا شلت عشرتي أمشي كوس تسعينك
*فهل قامت الدولة بدور المحامي في هذه القصة وشالت عشرتها وتركت تسعيننا عند المحتكر؟؟؟؟
*دي دولة منو دي؟؟؟؟
*ابقوا معنا
*أها
*نجي لي شمارات والي الخرتوم
*يعني يا والينا
*يا نسف يا المحتكرين يسفونا؟؟؟؟
شمارات الكلب
ننساك كيف والكلب قال التدخين ضار بالصحة مفيد للمالية واتفاقية جوبا.
وإلى لقاء