شمارات.. سلك | ملعون أبو السكون

*في اللغة بقولوا سكن تسلم
*يعني لو جيت لتشكيل الحروف وكنت مامتأكد
*أقبض في السكون قوي
*سكن تسلم
*وبمفهوم أهل اللغة ببقى السكون ملجأ للمتردد وما متأكد
*وسيلة جبانة للمخارجة
*قال ليك واحدة بتراجع مع طفلتها في اللغة العربية
*قالت ليها أحمد لايحب البنات
*أعربي أحمد
*الشافعة بدون تردد قالت أحمد كذاب
*أيها الناس
*السكون في اللغة موقف رمادي اللون
*لا يخدم قضية
*موقف جبان يعبر عن عدم ثقة متخذة في نفسه
*وعشان مابليدنا تتقدم
*لازم نتحاشى السكون ونلتزم الحركة
*في الحركة بركة
*ولو مشينا غلط مليون خطوة
*أفضل لانو باكر بنبقى أقوى
*أما إذا التزمنا السكون فلن نخطوا خطوة غلط ولن نبارح مكاننا قط
*وهو في غلط أكتر من التزام السكون في زمن مجنون؟؟؟
*أيها الناس
*لازم نتحرك
*حتى ولو لم نكتشف الاتجاه الصحيح
*فالحركة في الاتجاه الغلط مكسب
*لأنها توجهنا في الأخير للاتجاه الصحيح
*وشكراً للفشل الذي يعلمنا النجاح
*ولولا الحركة لما حدث الفشل صانع النجاح المرتقب
*ياشعب
*فاهم كلامي ده!!!
*ملعون أبو السكون
*وأنت سكنت لن تسلم يا شعبي ياحبيبي وشرياني
*ولنا أن نغني
*الشعب حبيبي وشرياني
*أداني بطاقة شخصية
*الاسم الكامل إنسان
*والشعب الطيب والديا
*المهنة مناضل بتعلم
*تلميذ في مدرسة الشعب
*والمدرسة (قافلة) على الشافع
*المدرسة قافلة ليييييه؟؟؟؟
*هل عشان المخدرات؟؟؟
*ولا التبرير ده ذاتو مخدرات؟؟؟
*وبمناسبة المخدرات
*إنها الحرب
*حربك ياشعبي
*يجب أن نخوضها بحب
*لنقضي عليها بحب شديد
*القصة دي لاتتحمل السكون
*وإن التزمنا السكون حيالها
*صدقوني لن نسلم
*لن تسلم ياشعبي
*حاتبقى عمبلوق بدون طايوق
*ويكون سلامك الجمهوري
*ياغنماتي
*ماء ماء
*شو أطعميكم
*ماء ماء
*أيها الناس
*الحالة دي مابعيدة
*قريبة شديد
*إذا التزمنا السكون حيال المخدرات
*وإذا صدقنا التصريحات المخدرات
*يلا
*هيلا هوب
*الله أكبر على المخدرات ومستجلبي المخدرات ومروجي المخدرات والمستفيدين من المخدرات والمبددين للمدخرات
*المدخرات الوطنية والمادية والأخلاقية والسلوكية
*ألم أقل لكم إنها حرب الشعب؟
*أها
*نجي لي شمارات والي الخرتوم
*كان شفت يا والينا
*مكناتم مابتقسم فينا
شمارات الكلب
ننساك كيف والكلب قال البنقو جمب ديل حلال وود حلال.
وإلى لقاء