شمارات.. سلك | شالها برا
*في محكمة الانقلاب
*معظمهم عند الاستجواب قاموا فوق
*وعند استجواب أسد أفريقيا
*شالها برا
*كان صاح كان غلط
*بالصاح بالغلط
*سجل موقف شجاع
*وقد يقول البعض حاينكر كيف بس
*لكن برضك الثبات كان موقفاً مشرفاً
*وإقراره على نفسه وإن كان يتناقض مع حلقة الترابي بالجزيرة جملة وتفصيلا
*ويخالف الواقع مخالفة كبيرة
*إلا أن طريقة الإدلاء تشير إلى أن القوات المسلحة لسه بخيرها
*المهم
*سجل التاريخ لهم جميعاً إفاداتهم عند الاستجواب
*وكذا المحكمة
*وسيحكم التاريخ قبل المحكمة
*ويذهب الناس وتبقى المواقف
*جبناهو من الجنوب
*كان آخر واحد في خياراتنا
*ده كلام الشيخ حسن في اعترافاته أمام كاميرا الجزيرة
*تاني اللولوة في شنو!!!!!!
*ماعارف تحضرني نكته ليه
*ماشايف عندها علاقة بموضوعنا ده
*ولكنها تحضرني
*أحضركم ليها
*قال ليك اتنين مساجين (حمانا الله).
*قاعدين في السجن بتونسوا
*كباااااار في السن
*واحد سأل التاني
*أنت يدك دي القطعها ليك شنو؟؟؟
*قال ليهو السكري
*ورجلك التانية دي حركتها تقيلة مالها؟
*قال ليهو الضغط
*قال ليهو ونفسك ده قايم كده مالو؟
*قال ليهو القلب
*قال ليهو وجابوك السجن لي شنو؟؟؟ كتلت ولا سرقت؟
*قال ليهو لا كتلت لا سرقت
*قال ليهو ونان مالك؟
*قال ليهو جارتنا عمرها عشرين سنة اتهمتني قالت اغتصبتها
*قدام القاضي قلت ياولد جاك الشكر في محلك
*قلت لي مولانا أيوه اغتصبتها
*قال ليهو مولانا صدقك؟
*قال ليهو ماصدقني
*قال ليهو طيب سجنك ليه؟
*قال ليهو أداني تحت الإدلاء بمعلومات كاذبة وتضليل العدالة
*المهم
*بشوف إننا شغالين بالماضي وناسيين المستقبل
*الماضي هو التركيز على الانتقام
*والمستقبل بناء دولة
*فهل فضلت لينا دولة نبني عليها مجرد أمل؟؟؟؟
*أها
*نجي لي شمارات والي الخرتوم
*كان شفت يا والينا
*بنحضر في الموضوع كان منقول لينا
*فجأة خالي قام ماشي وهو بردد علينا
*البتكلم كان مجنون البسمع مفروض يكون عاقل
شمارات الكلب
ننساك كيف والكلب قال صدقناك بايعناك يانميري أيدنا.
وإلى لقاء
