شمارات.. سلك | قصص
*الليلة شماراتنا قصص
*القصة الاولى قصة الاتفاق الاطاري
*والبلد تغرد
*نااااري الليلة وا ناري
*ناااااري اتفاقنا إطاري
*اتفاق يتمتع بمعارضة
*معارضة كبيرة
*اصلو نحنا خلقونا لنعارض
*لنختلف
*جننا خلاف
*الواحد كان مبسوط
*يقعد ويخلف كراعو
*خلاف في اي شيي
*حتى في الكرعين
*هذا الاتفاق الاطاري التجاري
*حدث
*لانو مفروض علينا
*والراحل خوجلي عثمان يصدح
*مابنختلف
*ونحنا بنختلف
*وبنعتبر اغنية خوجلي عثمان كسير تلج ليس إلا
*طيب
*قول مرت المدة وماشكلنا حكومتنا المدنية
*او اختلفنا عند تشكيلها
*وقعدنا ولي كرعيننا خلفنا
*مابنخلفن كيفن عاد
*مو اختلفنا؟؟؟
*قول ده حصل
*بنضمن من وين الزول ده ماينط لينا فيها تاني؟؟؟؟
*لذلك قصة القصة دي دايرة حصة
*وحصة خصوصي كمان
*او الطوفان
*ودي قصة
*القصة التانية
*قصة مواتر الدلفري دي
*يعني عشان البيتزا تصل ساخنة
*لازم التهور في القيادة ده؟؟؟
*ماحصل قابلني موتر دلفري ماشي صاح
*القيادة فن
*وليست قلة فهم ولاقلة ذوق ولا قلة أدب بالطبع
*وماممكن عشان البيتزا تصل ساخنة
*نصل نحنا قبالها الآخرة مسخنين
*أما القصة التالتة
*فهي قصة الجماعة ديك
*لسة مأملين يعني؟
*ولا دي مؤامرات لافشال الاطاري وايقاد ناري؟؟؟؟
*كل الحاصل سببو الرئيسي تلك الحقبة
*واذا اتولد طفل الليلة فيهو عيب خلقي
*بكون ذلك العهد هو السبب
*لأنو أم الطفل المولود ده مالقت ماتحتاجه من رعاية طبية وغذائية في ذلك العهد
*وقد تكون قد استعملت محاليل وريدية من اياها في تلك الحقبة..
*يبقي يا(اخوان) البقت بقت وكتر البتابت عيب
*أما القصة الرابعة
*فهي قصة الكاكي الملاكي
*برغم الإطاري
*الا انو الكاكي الملاكي لايزال في شوارعنا جاري
*نقل طارئ ولا تجاري؟
*جاوب يافوكلر
*أما القصة الخامسة
*فهي القصة الحاسمة
*اللهم اجعلو خير
*أها
*نجي لي شمارات والي الخرتوم
*كان شفت يا والينا
*قصص كتيرة بتعذب فينا
*نفتو يا اخينا؟؟؟؟
شمارات الكلب
ننساك كيف والكلب قال والقصة السادسة قصة الكهربا دي
وإلى لقاء