في السلك.. بابكر سلك | تسوياسا

بسم الله الرحمن الرحيم

*تأهلت اليابان لمرحلة جديدة بجدارة
*(كشت) المانيا(نصيرة المثلية)
*وهزمت اسبانيا المعلمة
*تعاطف الناس مع اليابان ليس لانهم يابانيين
*ولاتعاطفا معهم عشان القنبلة الذرية الجعلت عيون اهل اليابان زي قدود الجلد
*لاكرها لالمانيا(الحتة دي بنرجع ليها)
*ولاخصومة مع اسبانيا معشوقة الملايين
*تعاطف الناس مع اليابان نتج عن ابهار اليابانيون للجميع بسلوكهم الحضاري(الله لا عاد عبارة حضاري دي عندنا تاني)
*فالمشروع الحضاري عندنا كان لافتة كبيييرة وتحتها كوشة قدر الكتلة
*منظر يثبت المتاجرة بالعبارة والتكسب من خلفها
*حضارة اليابانيون تمثلت في سلوكهم
*بعثة رسمية ومشجعين
*ادهشوا الناس حينما قاموا بتنظيف الاستاد عقب المباراة
*ونظافة غرف اللاعبين
*جمهورهم بنضف الاستاد عقب المباراة ويجمع النفايات
*ونحنا عربية نفاياتنا تسجل غيابا في غالب الاحيان عن شوارع العاصمة الحضارية
*واذا حضرت فانها تعمل علي اعادة تشتيت النفايات علي شوارع العاصمة الحزينة وهي في طريقها للمكب
*تصل المكب فاضية
*النضافة عند اليابانيون سلوك
*عشان كدة كانوا بنضفوا الاستاد حتي في المباريات التي لاتكون اليابان طرفا فيها
*سلوك تربوا عليه واصبح ملزما لهم بكل حب
*لذا تعاطف معهم الناس
*ضف الي ذلك انهم انصرفوا للكرة
*ولم يشغلوا انفسهم بالسياسة وعدم الكياسة
*اما المانيا
*فلقد خرجت(مكشوشة)في مشهد مخجل
*ولا مجرد(ملاية) تستر بها نفسها
*لم تجدها
*المانيا نالت سخط الناس
*لأنها جاءت للمونديال للبلبلة السياسية
*واهملت الكرة وهي غرض المشاركة
*والغريب ان المانيا تدافع وبقوة عن المثليين(الله لاجاب عقابهم)
*لماذا تدافع عنهم؟
*والغريبة انها تدافع عن مخالفة الفطرة
*لاسيدنا لوط من برلين
*ولاقومو من اهل ميونخ
*سلبطة ساي بس
*وطارت المانيا والكل سعيد بذلك
*بما فيهم الالمان الشرفاء الذين لايرون في مساندة المثليين منطق انساني مشرف
*نعود لليابان
*تأهلت اليابان علي طريقة كابتن ماجد
*عزيمة واصرار وتركيز
*وبالمناسبة كابتن ماجد هي قصة يابانية لمؤلف ياباني
*سماها

*تسوياسا
*الوكت الاتكبت فيهو القصة
*اليابان كورة (شراب) مافيها
*وتحقق حلم المؤلف
*هاهي اليابان تقدل فوق عديلها بكأس العالم وتنال الاحترام
*ايها الناس
*بلجيكا
*بلجيكا زي الهلال
*تصنيف اول علي مستوي العالم
*ثم في المركز التاني للتصنيف
*ولعبت النهائي الفات
*واذا نظرت الي دولاب انجازاتها
*تجده فارغا الا من العنكبوت
*ولابطولة مافيهو
*موش قلت ليكم بلجيكا زي الهلال؟؟؟
*محمد عبدالماجد يابلجيكي
*كيف البلجيكاب؟؟؟؟؟
*المهم
*غانا طارت معانا
*لانهم اتوا بدون اصرار
*اتوا ليستعرضوا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*بعد الشفناهو في قطر
*حلم نلعب في كاس العالم بقي مابجينا
*نحنا حانظل كدة
*طالما الوعي والعمل الجمعي وقبول الآخر مجافينا
سلك كهربا
ننساك كيف والكلب قال انتوا متفقين علي ان لاتتفقوا….خموا وصروا
والي لقاء
سلك