فنانة سودانية توضح حقيقة اختيارها يف دور (خادمة) للمشاركة في مسلسل عربي
نفت الفنانة السودانية الشابة مفاز بشرى، اختيارها للمشاركة في مسلسل عربي (وش الريح)في دور ”خادمة“.
وقالت مفاز في تدوينه علي فيسبوك: انا و في العادة ما بحب التبرير والحاجات الزي دي، لاحظت شديد انو نحنا برانا منمطييين نفسنا في حته معييينه، خاتنها في راسنا لما اشوف التعليقات بزعل ما من التعليق من تقليلنا لي نفسنا الناس البتقول مفاز شغالة دور خادمة، انت ليه منمط نفسك كشخصية سودانية، الا يجيبوك دور واحدة شغالة“
وأضافت مفاز ”انا اشتغلت ضيفة شرف يف مسلسل (وش الريح) دور جميل جدًا ومؤثر رغم قلتو لكن كبير جدًا في معناهو وانا اتشرف بي مشاركتي في العمل دا قصاد النجمة (هند صبري) وانو تم اختياري فيهو من مشاركتي في الفيلم السوداني الاماراتي (زول جاني) الحتشوفو هو قريب بي مشاركة مجموعة من الممثلين العرب كمان فنحنا فنانييين ولينا مكانتنا واحترامنا بره“
وزادت ”بعدين حتى لو شغالة الشغل ما عيب ولقمة حلال والشغالين ديل هم سبب نظافتنا، هللا يكبر العقول وينظف القلوب“.
