اضرب واهرب .. الجاي أخطر

* لايوجد طريق واحد ( محترم ) داخل العاصمة .. لا يوجد طريق واحد يربط بين المدن والولايات المختلفة .. وباختصار فلا طريق مرور سريع واحد على إمتداد البلاد كلها .. وليت الإعلان عن تأهيل الطرق يخرج عن دائرة ( الترقيع ) و( الردم ) إلى النظرة في إنشاء طرق جديدة
( والله غالب )
* والأخبار ( تحت تحت ) تقول أن كل الفنانين والفنانات الذين أوقفتهم المصنفات الفنية عادوا و( باشروا أعمالهم ) في إفساد الذوق العام في الصالات وبيوت الأفراح
( وأنا مالي ومالي ومال كده )
* وتاني قاموا جابوا سيرة البحر .. عفواً تاني قاموا سيرة حمدوك
و ( وقت سيرتك يجيبوها أهلي كتير بعزوها )
* النجم الهلالي الملاوي جيرالد فلورد بعد غياب طويل اقترب من العودة للتدريبات والعودة للأزرق مكسب
و( حبابك ما غريب الدار وماك لي حقنا الودار )
* الزول ده زي ما سبتوهوا لقيتوهوا .. الزول ده قاعد محل ما خليتوهوا .. الزول ده ياهو الضل الوقف ما زاد
* المريخ بلاد جديد .. حي العرب حديد .. الفلاح عنيد أهلي شندي ( قطع بنزين ) .. الأهلي الخرطومي ( صاحي ) .. هلال الفاشر ( دايخ ) .. الرابطة ( السوتا أبت تمرق )
* ماحدث داخل مستشفى الذرة محزن ومؤلم .. ما حدث قمة عدم الإنسانية في مكان تبدأ وتنتهى فيه الإنسانية
( ولا حول ولا قوة إلا بالله )
* التحزب والتخندق في المريخ مع فلان وضد فلان وصل ذروته وظهر ما بطن من الفتن وربما ايه
( الجاي أخطر )
* إذا ما انتبه المنتبهون إلى عدم وجود مواقف للسيارات وبزحمة غير معهودة بمستشفى شرق النيل لعرفوا أن كابتن الكابتن نصر الدين جكسا يرقد هناك بعملية تغيير الركب .. أخي الحبيب جكسا شفاك الله وعافاك وإذا شفيت شفي الناس كلهم
* شكراً جزيلاً ونبيلاً ووسيماً وأنيقاً لقطاع المرأة بالهلال وهو يتدفق عطاءً مؤكداً أن الهلال للجميع وليس ( للرجال فقط )
عبدالمنعم شجرابي ..