شمارات.. سلك | الليلة يوم واحد وقعوا؟؟؟؟

*لما قلت ليكم كضب ماصدقتوا

*ويمر علينا يوم كضبة أبريل دون أن نطلق كذبة التوقيع

*إطاري الليلة وا ناري

*إنهم يلعبون علينا وبنا وعلى بعضهم البعض

*حتى القلم يتمدد في ثقة

*راااقد ومطمئن زول بهبشو مافي

*زول حايشيلو عشان يوقع مافي

*ياسلك

*يا أنا

*ياناطق

*لا أسكت الله لك حسا

*ساكت مالك؟؟؟

*مالقيت مبررات

*نحنا بنساعدك

*تعال نديك شوية مبررات

*الدنيا رمضان والتكافل واجب

*قول تأخر التوقيع لانو الجيش أطال الله عمرو لما جا يدمج الدعم السريع

*لقى تاتشرات الدعم السريع طويل العمر مابتدخل في هناقر قواتكم المسلحة لانو الموديلات مختلفة

*قول أي شي ونحنا بنصدق

*وممكن نصفق كمان

*تأكيداً على أننا صدقناكم

*هو متين نحنا ماصدقناكم

*نحنا نصدقكم الضيعنا شنو

*قول ياسلك ياناطق ونحنا بنصدقك

*قول انو الشعب هو سبب كل الكوارث

*وانكم جميعا

*أحزاب متشعبطة وأحزاب متلبطة وديش ودعم وجميع المليشيات طولتوا بالكم للشعب ومانفع

*شعب راسو قوي ومابسمع الكلام

*نعم ومابسمع الكلام

*ومابنصاع للأوهام ياناطق يارسمي

*وليكم يقترح الشعب

*أوقفوا عرض هذا المسلسل الرمضاني

*لتعرضوهوا علينا كجزء تاني في رمضان القادم

*ودي كويسة معاكم

*على الأقل تضمنوا القعاد والانقياد وتنتظروا التوقيع على كراسي أصبحت جل همكم

*ويضمن الجيش السيادة والوسادة للسنة الجاية تحت مسمى انتظار التوقيع

*للسنة الجاية

*يمكن لما تجوا تعرضوا الجزء التاني من مسلسل التوقيع

*تلقوا الشعب السوداني الفضل انفصل

*أو انقرض

*لكن صدقوني مابتلقوهوا فصل

*إطلاقاً

*قلت لي التوقيع متين؟؟؟؟؟

*آل أيه

*رضينا بالهم والهم ماراضي بينا

*اللهم بدد همنا

*اقرضو قرض اللهم وشتته بددا

*وكملهم عددا

*وماتخلي فيهم نفاخ النار غدا

*أها

*نجي لي مسارات والي الخرتوم

*كان شفت يا والينا

*أي زول ممكن يكضب علينا

*زول يكون الصباح في الموكب معانا

*المسا تلقاهو في الجزيرة بشجب ويندد بينا

*زول يكون معانا في المليونية متصور سيلفي وبفخر بينا

*تديهو وزارة ينكرنا حطب وينسى هتافو البينا

*وزول يصين بيت الحكومة للفترة الانتقالية بستة مليار أيام المليار مليار يا والينا

*كان عشان يحسن بيئة العمل ويقدر ينجز لينا

شمارات الكلب

ننساك كيف والكلب قال وزول يمسك الدهب…بموت في الدهب…ويموت بالدهب.

وإلى لقاء