شمارات سلك إطاري لي شنو؟
*إذا كان الرصاص نهاراً جهاراً يسكن صدور الشباب
*إطاري لي شنو؟
*وإطاري لي منو؟
*ضابط شرطة يطلق النار بالنهار وعلى عينك يا إطاري على صدر شاب
*فهل أطلق ذلك الضابط النار
*أم أطلق تصريحاً من الجهات المعنية بأن كل ما يحدث هو مجرد تمثيلية؟؟؟؟
*حرية سلام وعدالة
*ثلاثية مرعبة لن يتم تطبيقها في البلد دي بالساهل ولا بالإطاري ولا بالكلاش الذي أعاد الأمة لنقطة الغضب الأولى
*برا إطاري برا خنفشاري
*الجواب يكفيك عنوانو
*والسؤال
*هل هو ضابط شرطة؟
*أم ضابط لابس شرطة؟
*أم شرطة لابسة زول ساي؟؟؟
*أم أن كل القصة فوق راي
*يتساقط الشباب
*عفواً
*يتسامى الشباب بالرصاص
*وتجلس قحت للتفاوض
*تفاوض بالتا؟؟؟؟
*إن لم تقف تلك المذابح
*لن نصدق يابرهان إنك أو إنكم زاهدون فيها
*كفانا صدقنا زمان (هي لله)
*واكتشفناها أنها لقيصر
*أدفع نص عمري الفضل (عارفو مافضل فيهو كتير)
*أدفع نص عمري الفضل
*وأعرف من أطلق الرصاص أمس ده على صدر الشهيد كان بفكر في شنو؟؟؟؟
*وهل رجع بيتهم عادي اتغدى؟
*قابل أمو؟؟؟
*وقتها ألم يتذكر أم ذلك الثائر؟؟؟
*عندو طموح في الحياة دي؟؟؟
*بقدر يعيش عادي كده؟؟؟
*غايتو لو بقى ضابط شرطة
*تبقى نقطة يا الشرطة وسطر جديد
*وإن كان ضابط لابس شرطة
*تبقى بالغتي يا الشرطة
*توب زفافك بقى عامل للدرجة دي؟؟؟؟
*يا حليل الشرطة
*لما كانت هنا قسم وهنا نقطة
*آآآي سمح أنت وعسل أنت
*أيها الناس
*ماذا قالت قحت (الإطاري) أمس عند إطلاق الرصاص الخنفشاري؟؟؟؟
*ده كلو هين
*حميدتي
*الذي اعترف بالانقلاب
*واعتذر للشعب
*مالو ماحمى الشعب أمس من (الشرطة) لما فتحت على صدر الشارع رصاص؟؟؟؟
*قلت ليكم ياناس
*مافي خمفشاري
*كل الموضوع مسرحية في ظاهرها
*عبارة عن مجموعة اسكتشات ربط بينها المخرج ببراعة عشان يشغل الجمهور
*الدخول مجاني
*وتوجد مواصلات بعد العرض
*العرض (بالعا) طبعا
*اللهم ارحم شهداء الثورة وصبر أمهاتهم وانتقم من الذين يطلقون الموت علنا شر انتقام
*اللهم وبلغ شهداء الثورة مقاصدهم
*سودان حسب طموح الشهداء
*وملعون أبوك بلد
*مابقولها إلا قنعان
*ونحنا لاقنعنا من الشباب ولا قنعنا من السودان يابرهان
*أها
*نجي لي شمارات والي الخرتوم
*كان شفت يا والينا
*شوارع ولايتك مليانة بينا
*مخضبة بطموحاتنا ودمائنا وأرواحنا الفينا
*موش كده أخير من الزفت يا والينا ؟؟؟؟
شمارات الكلب
ننساك كيف والكلب قال أبو الزفت ذاتو ياخ.
وإلى لقاء
#شمارات #سلك
