شمارات.. سلك | عندها موسم كمان

*ملاحظين انو حوادث السلب والنهب وتسعة طويلة والحاجات البشكل ده

*عندها مواسم كمان

*تلبد كدااااا

*وأول ماتسمع ليها بحل سياسي شارف على أن يصبح واقعاً

*تظهر من جديد

*وبكثافة تتناسب مع مكانة الحل السياسي ومدى قبوله من الجهات (المعنية)

*والجهات المعنية دي طبعاً يهمها جداً أن (يقوم) أي اتفاق يؤدي لاستقرار البلد دي

*عشان كده قبل إعادة إنتاج تسعة طويلة

*طوالي بتلاقي تصريحات من الجماعة إياهم تنبش نبش في (بعضهما)

*ولكني أرى (أنهما) متفقان تماماً ويختلفان شكلاً لنقتنع نحن (الطير ديل) بذلك الاختلاف وننقسم حولهما

*ونصنا يبقى مع ده والنص التاني مع داك

*و(هما) لايدريان أن نصنا لو ندخلوا الطابونة والنص التاني الطاحونة لايمكن أن ننقسم (عليهما) مهما (طالوا) ومهما طال الزمن الذي لعبا عليه دون أن تلتفت قحت (للساعة)

*مناوشات

*تسعة طويلة

*قطوعات كهرباء

*التلاتة ديل لو ماجابن حقهن

*أزمة جاز وغاز وبنزين

*إذن

*لا داعي لتقديم المواطن (كقربان) لأجل إقناع الناس بجدوى (السيدان)

*أيها الناس

*البلد دي ما جهجه باكاتها ودهور لعبها ومسخ كورتها

*غير (الفريقان)

*المريخ والهلال ديل (ضاربين) دعم البلد دي كلو وماجايبين عمار

*بكره يطيروا ويريحونا من الدفع ده

*المهم

*زلزال ضارب الدنيا

*ماتخافوا

*مابجي علينا

*التعدين العشوائي لم يترك شبراً تتزحزح فيهو الأرض دي

*عشان كده الزلزال لوجانا إلا يسكن مفروش

*حتى التعدين عشوائي

*والتصدير كروباوي

*والتهريب علناً

*وتسكت تسكت تسكت بس

*وهاهو ترس الشمال يكتشف مزيداً من الجرائم

*فهل نحاسب دول الجوار؟

*أم نبيد مجرمي الداخل؟؟؟

*وأيهما يضر بالعباد والبلاد؟؟؟؟

*ياحليلك يا الصاروخ الصيني الطاشي زمان داك

*أيها الناس

*في فيديوهات تسعة طويلة المنتشرة

*مرات بتحس بالموضوع زي الفيلم الهندي

*يعني ممكن يجيك مشهد فيهو موتر ماشي في حبل غسيل

*عادي

*أو ناطي من سطوح مركز شرطة على سطح عربة الضحية

*كلو ممكن يحصل

*أصلو في البلد دي أي شي جايز

*بس المابتصدق

*كونو انو يعني

*تشاهد في الفيديو المعتدين يلهبون الضحية ضرباً نهاراً جهاراً ويسلبونها حاجاتها

*والشارع فيهو قريب ألف زول واقف بتفرج

*بالإضافة للزول الصور الفيديو ونشرو

*دي كتيرة

*حااااامضة

*أها

*نجي لي شمارات والي الخرتوم

*كان شفت يا والينا

*أي فيديو طويلة يجينا

*ياخذ مساحتو عندينا

*طوالي تاني يوم الشرطة بتقبضهم لينا

*شفت كيف يا والينا

شمارات الكلب

ننساك كيف والكلب قال مابصدق سوداني واقف يتفرج على مواطن بتنهب قدامو بالنهار… راجعوا الأرقام الوطنية ياناس.

وإلى لقاء