شمارات.. سلك | الليلة عيد الحب

*أحبك ياوطن

*ألا يحق لي أن أفسخ وأجلخ وأفرد ماتبقى من شعري وألبس أحمر احتفالاً بعيد الحب للوطن؟

*مكسر فيك ياوطن

*برغم المكشر (برا) بصل

*بس متين نصل؟

*حانقعد ياوطن نمارس الحب كده وبس؟؟؟؟

*ياخ بي بلحة بنعقد

*وبعيش معاك في قطية

*ناكل كسرة بموية

*برغم الذرة الغالي لكن مايغلي عليك ومابعصر عليك

*برغم الموية المافي

*كفاية علي الموية الفي عيني والموية الفي ركبي والموية الفي رئتي

*بعيش معاك ياوطن بي كسرة بموية

*نمارس الحب

*نمارس العشق

*ونمارس بل الشوق

*ثم نمارس بل الشوق

*لنمارس بل الشوق

*أجيالنا الجاية ريقها مبلول ببل الشوق

*تملى علينا القطية

*وتحولها لباحة ندية

*وتبط كل الكان مانعنا نمارس الحب

*لنمارس الحب

*أحبك ياوطن

*أحبك طالما أنت في الوجود

*أحبك وحتى أنا ماموجود

*أحبك

*وأحيييييك

*وعارفك مابتخذلني

*حا (نبل) الشوق

*بل بس

*بل زي البل

*وعسى بل لعل

*يكون الفرح في الميعاد

*ولما نمارس الحب في عيد الحب الجاي

*نمارسو بي شديدنا ولضيضنا

*ويا وطن في قلبي دقات اسمك ايقاعها بيزيد

*ياوطن في عيوني رسمك لوحة النيل والخلود

*ياوطن ساعاتنا دقت وأعلنت انك في عيد

*يا وطن في عيوننا أنت ونحنا بي حبك نجود

*أنت وأنت لينا وليك من الأفضال علينا

*وياوطن يكفينا أنك في بطاقاتنا الاسم

*نحنا نفخر بيك سمعة وانت شمعة تضوي لينا

*وياشرف اسمك يدقدق في جوازاتنا الختم

*ياشرف اسمك يدقدق في جوازاتنا الختم

*أحبك يا وطن

*وأحبك يا أمي

*في عيد الحب من حقك عليا أبوس رجليك وأردد

*بحبك بحبك *بحبك

*بحبك مووووت

*رحيلك ماغيبك عني

*وحبك لافتر مني ولا فتر عني

*ولا بيحرمني

*أحبك كل يوم أكتر

*وأحسك كل يوم أنضر

*ورغم بعدك برسل سلامي واحترامي ومحبتي وحبي وأقول ليك بكل فخر

*كنتي ولازلتي وحاتظلي

*حبيبتي

*فتجاهك الحب علي هو المكتوب يا أمي

*ألف رحمة وحب وود ومودة يا قريييييبة

*أيها الناس

*كل سنة وانتوا طيبين كلكم

*أحبكم بدون فرز

*والوطن فرز أول

*أها

*نجي لي شمارات والي الخرتوم

*كان شفت يا والينا

*لو(كوولنا)حبينا بعضينا

*حانحب وطننا ووطننا تلقاهو حابينا

شمارات الكلب

ننساك كيف والكلب قال الليلة بفرد شعري (وأتروج) وأقشر وأقدم وردة حمراء (فاقع لونها) لوطن مفقوعة مرارتو من مراراتو

وإلى لقاء