شمارات.. سلك | ده شنو كمان؟؟؟

*الجاتنا تختانا
*سلوكياً يوماتي ماشين لي ورا
*مخدرات
*كضب ونفاق
*اختلاسات
*ربا وثراء حرام
*وتسعة طويلة
*احتيال على أعلى المستويات
*وبعد ده نشكر في أنفسنا ونقول نحنا أحسن ناس
*غايتو
*الجاتنا تختانا
*طالما وصلنا لمرحلة تصفية الخلافات السياسية أسرياً
*تاني فضل لينا شنو من أتفه شعوب العالم ماعملناهوا؟؟؟
*المعيشة والاقتصاد والفقر
*كلو بتعالج
*لكن السلوك علاجو إذا ماكان مستحيل ببقى داير دهور عشان يتصلح
*مالكم ياناس
*هو في شنو
*ولي شنو
*وليه ده كلو
*إن كان الأمر كذلك
*فلامناص من الغناء مع القلع عبدالحفيظ
*إن شاء الله القيامة تقوم
*دي مستويات أدنى منها مافي
*لأ وأيه كمان
*ناس توصف في العربية موضوع الجريمة
*وناس في خلاف سياسي يقولوا القصة تراضي
*معقولة وصلنا للدرجة دي؟؟؟
*هي وينا السياسة ذاتها البختلفوا ليها قدر ده
*البختلفوا ليها ويكون التمن إسقاط الأخلاق والدين والنخوة والرجولة
*أبو لهب ياخ خجل من صفع امرأة
*كافر عندو أخلاق ونخوة ورجولة وقيم وسمعة بخاف عليها
*غايتو الجاتنا تختانا
*والشكية لغير الله مذلة
*المهم
*تعليقات كتيرة على إضراب المعلمين
*لم يخلُ بعضها من استخفاف بالمعلم واستحقار
*فهل بنى أصحاب تلك التعليقات موقفهم من الاضراب على أساس الخلاف السياسي؟
*وهل يهان المعلم في دولة غير حقتنا دي؟؟؟
*وهل الذين كتبوا تلك التعليقات السخيفة علمهم الوحي أم علمهم معلم ناضل مع الطباشير وبيئة المدارس المنفرة وبح صوته؟
*قم للمعلم مادرسوكم ليها؟
*ماقالوا ليكم كاد المعلم أن يكون رسولا؟؟؟
*دي آخر جزاتو
*لأنو ده آخر الزمن
*زمن (الرويبضات)
*الجاتنا تختانا
*والغريبة يتغير الحكم على أي تعبير أو إضراب
*بتغيير الموقف السياسي والحاضنة
*حضنكم بلى يخمكم يريح هذا الشعب وماتبقى من وطن من ذلك السقوط المدوي
*أها
*نجي لي شمارات والي الخرتوم
*تعرف يا والينا
*مهما كان موقفكم
*نحن موقفنا مابتغير من احترام وتبجيل معلمينا
*كان ترضوا كان تابوا كان تحرمونا السخينة
شمارات الكلب
ننساك كيف والكلب قال ياخ في كلب علمني العض لي أسي بحترمو…..هو قدامو مابقولها….بشر انتوا؟؟؟
وإلى لقاء